Bazar künü Ay-Petri platosı rayonında eki qatlı tahta bina yandı. Bu aqta RİA Krım Qırımdaki Rusiye Fevqulâde vaziyetler nazirliginiñ matbuat hızmeti bergen malümatqa esaslanıp bildirdi.
Qaza haberi qurtaruv hızmetine saat 16-larda keldi. Yanğın yerine Yalta taqımınıñ yanğıncı-qurtaruv vastaları ve küçleri yollanıldı. Qurtarıcılar büyük yanuvnı tek söndürdi.
Yanğın 50 metr kârege tarqaldı.
Yaralanğanlar olmadı.
Yanğın sebeplerini mütehassıslar ögrene. Şaatlarnıñ içtimaiy ağlarda bildirgenine köre, yanğın sebebi açıq ateşli fırın oldı.
Daa evel keçken afta Qırımda yanğınlar neticesinde beş kişi elâk oldı, üçü qurtarıldı, dep bildirilgen edi.
Kreml tayin etken Qırımdaki Rusiye Fevqulâde vaziyetler nazirliginiñ idare yolbaşçısınıñ muavini Sergey Sadakliyevniñ aytqanına köre, yañı yılnıñ başından yarımada 50 yanğın söndürildi, 28 kişi tahliye etildi.
