Yarım yıldan ziyade toldurılğan işğal etilgen Qırımnıñ Qarasuvbazar suv anbarı, kiçik aynıñ ortasında suv tüşürilgen soñ, tez şekilde eksilmekte. Bu aqta Qırım.Aqiqatqa adını bildirmemek şartınen yerli bir ülkeşınas bildirdi.
Ülkeşınasnıñ malümatına köre, yüksek miqdardaki suv tahliyesi, Qırımnıñ eñ bol suz qaynağı olğan Qarasuvbaşıdan Qarasuvbazar suv anbarına suv miqdarını emiyetli ölçüde aşa.
"Yarım yıldan ziyade suv anbarından suv çıqarılmadı, amma bu rejimde bile suvnen tek 85% tolu edi. Bundan soñ, yaqındaki Taygan suv anbarını qısmen toldurmaq içün Qarasuvbazar suv anbarından şlüzler açıldı, kiçik ayda suvnıñ faydalı miqdarı yoq edi. Amma, Qırımnıñ cenübiy-şarqındaki suv anbarlarınıñ az toluvını köz ögüne alıp, bu suv anbarlarını toldurmaq içün Büyük Qarasuv özenine tüşmek kerek oldı. Belli olğanı kibi, Büyük Qarasuvnıñ suvu Şimaliy-Qırım kanalına, andan ise Cenübiy-Şarqiy Qırımnıñ suv anbarlarına berile. Birden Qarasuvbazar suv anbarınıñ suv seviyesi tez tüşmege başladı, atta yarım ay içinde suv bayağı tüşkenini körmek mümkün", — dep ayttı Qırım.Aqiqatqa o.
İşğal etilgen Qırımda suv qıtlığı meselesi 2026 senesine qadar devam etecek. Rusiye nezaretindeki yerli akimiyet, bütün Qırım regionları suvsuz qalacaq, dep saya. Yerli ealiniñ ihtiyaclarını temin etmek içün olar alâ daa yerastı menbalardan faydalanmağa ümüt eteler. Amma aynı zamanda, Şimaliy-Qırım kanalını qullanmağa azırlaylar.