Link açıqlığı

Saatnıñ esas haberi

Qarasuvbazar rayonında yengil maşna yük maşnasınen çatıştı, üç adam elâk oldı


Körgezmeli süret
Körgezmeli süret

Mayıs 12-sinde Qarasuvbazar rayonında Tana Geldi (Sennoye) köyünde maşna çatışması sebebinden üç adam elâk oldı.

Bildirilgenine köre, Ford Fiesta aydavcısı MAN yük maşnasınen uruldı.

“Ford Fiesta aydavcısı Kefe (Feodosiya) tarafından Aqmescit tarafına kete edi ve yol çetine çıqtı, bundan soñ sağ tarafqa, qarşı yolaqqa çıqtı, böylece MAN yük maşnasınen uruldı. Qazada yengil maşna aydavcısı ve eki yolcu elâk oldı”, - denile beyanatta.

Müessiseniñ malümatına köre, elâk olğanlarnıñ şahsiyetini bilmege tırşalar. Yol qazası neticesinde teşkerüv yapıla.

Aqmescit - Yalta yolunda Tahta Cami köyüniñ yanıñda yol qazası oldı. Onı körgen adamlar içtimaiy ağlarda bildirgeni kibi, yolda yenve ve yük maşnaları çatıştı.

Qırımda Aluşta-Partenit yolunda patapat ve polis maşnası iştiraginen yol qazası oldı.

2018 senesi dekabr ayında Qırım qurtarıcıları Qırımda büyük yol qazalarınıñ sayısı arttı, dep bildirdi. Qırımda 2019 senesiniñ ilk üç ayı içinde keçken seneniñ aynı müddeti içinde mesüliyetke çekilgen aydavcılarnıñ sayısı bir buçuq qat ziyade oldı.

XS
SM
MD
LG