Qarasuvbazarnıñ rusiyeli memuriyetiniñ başı Aleksandr Alekseyenko, istifağa çıqtı, dep bildire Rusiye ve Qırım matbuatı.
"RİA Krım" Rusiye haber agentligi, rusiyeli şeer şurasınıñ reisi Stanislav Krıjanovskiyniñ sözlerine esaslanıp, şeer şurası, Alekseyenkonı istifağa çıqarmaq meselesini avgustnıñ 9-ında baqacaq, dep yaza.
Şimdilik Qarasuvbazarnıñ rusiyeli memuriyetiniñ saytında bunı tasdıqlağan malümat yoq, Aleksandr Alekseyenkonıñ da tefsirleri yoq.
İyül 26-sında Rusiye nezaretindeki Qırım başı Sergey Aksönov, Qarasuvbazar şeer başı Aleksandr Alekseyenkonıñ istifağa çıqmasını talap etti. Muşaverede şeer memuriyetine ait çoq itirazlar aytıldı.
