Qara deñizde NATO-nıñ Aq deñiz gruppasınıñ altı gemisi bulunmaqta.
Bu aqta tünevin öz Facebook saifesinde Black Sea News haber agentliginiñ baş muariri Andrey Klimkin yazdı.
Oña köre, aprelniñ 1-inde Odessağa Kanada Arbiy Deñiz Quvetleriniñ Toronto fregatı ve İspaniya Arbiy Deñiz Quvetleriniñ Santa Maria fregatı kirgen. Bundan soñ biraz keççe Poti Gürcistan limanına HNLMS Evertsen flagman fregatı (Felemenk/Niderlandlar), TCG Yildirim fregatı (Türkiye), BGS Drazki fregatı (Bulğaristan) ve ROS Regele Ferdinand fregatı (Romaniya).
Rusiye arbiy deñiz flotunıñ (ADF) gemileri, Qara deñizge kirgen Niderlandlar, Kanada ve İspaniya ADF-nıñ üç NATO gemisini közete. Bu aqta martnıñ 29-ında Rusiye Mudafaa nazirligi jurnalistlerge bildirdi.
Qara deñizge №2 NATO Daimiy mina qarşı gruppasınıñ flagmanı kirecek, Almaniya Arbiy Deñiz Quvetleriniñ FGS Werra (А 514) gemisi. Bu aqta fevral 15-inde “Çetel işler maydanı” közetüv gruppası, “Qara deñiz strategik tedqiqatlar İnstitutı” veBlackSeaNews muarrireti bildire.
Rusiyeniñ Keriç boğazında yapqanlarını bir sıra Avropa memleketi ve ABD tenqit eteler. NATO, vaziyetni ve Keriç boğazındaki adiselerni diqqatnen közetkenini bildirip, ağır-sabırlı olmağa ve vaziyetniñ daa beterine yol açmamağa çağırdı.
