Rusiye arbiy deñiz flotunıñ (ADF) gemileri, Qara deñizge kirgen Niderlandlar, Kanada ve İspaniya ADF-nıñ üç NATO gemisini közete. Bu aqta cuma künü Rusiye Mudafaa nazirligi jurnalistlerge bildirdi.
“NATO gemileriniñ areketlerini, “İvan Hurs” ve “Vasiliy Bıkov” Rusiye ADF-nıñ gemileri közete”, - dep yaza müessise vekilinin sözlerinden TASS agentligi.
Qara deñizge №2 NATO Daimiy mina qarşı gruppasınıñ flagmanı kirecek, Almaniya Arbiy Deñiz Quvetleriniñ FGS Werra (А 514) gemisi. Bu aqta fevral 15-inde “Çetel işler maydanı” közetüv gruppası, “Qara deñiz strategik tedqiqatlar İnstitutı” veBlackSeaNews muarrireti bildire.
Rusiyeniñ Keriç boğazında yapqanlarını bir sıra Avropa memleketi ve ABD tenqit eteler. NATO, vaziyetni ve Keriç boğazındaki adiselerni diqqatnen közetkenini bildirip, ağır-sabırlı olmağa ve vaziyetniñ daa beterine yol açmamağa çağırdı.
