Link açıqlığı

Saatnıñ esas haberi

Qadimiy Kezlev: Odun Bazar qapısı | Tuğra (video)


Qadimiy Kezlev: Odun Bazar qapısı | Tuğra (video)
Bekleñiz, lütfen
Embed

No media source currently available

0:00 0:01:37 0:00

Qırım hanlığı vaqtında şimdiki Yevpatoriya, Kezlev adlı qale şeeri edi. Qale XV asırnıñ soñunda quruldı. O, deñiz ve çöl arasında tura edi, 9 metralıq isarnen qoralanğan edi ve nice qamaçavlarğa dayandı. Kezlevge beş qapıdan kirmek mümkün edi. Er birisiniñ öz vafifesi bar edi. Aq Molla qapısından şeerge suv ketire ediler, Topraq qapısından şeer maalelerine yol açıla edi, At qapısından ğarpqa keçmek mümkün edi, İskele qapısı ise deñizge alıp bara edi. Qaleniñ bas qapısı - Odun Bazar qapısı edi. Onıñ arqasında birden, piçen, odun, kömür satqan bir bazar bar edi. Kezlev qalesi XVIII asırda yıqılğan edi, amma Odun Bazar qapısı 1959 senesine qadar özgün sıfatında tura edi. Olarnı, yerli işhanelerge yol açmaq içün bozğan ediler. Qapını, qırımtatar metsenatları teşebbüsinen 2003 senesi ğayrıdan tiklediler. Rekonstruktsiyanı saqlanılğan resimler ve gravüralarğa baqıp yaptılar. Şimdi Odun Bazar qapısı etno-kompleksinde qavehane ve qadimiy Kezlevniñ özgün maketi ile müzey yerleşken.

XS
SM
MD
LG