Er daqqa dünyada 20 adam öz mülküni taşlap, zorbalıqtan qaçmağa mecbur ola - soñki 20 yılda bu raqam eki kere arttı. Böyle malümatnı BMT-nıñ Qaçaqlarnıñ meseleleri boyunca Agentligi derc etti. Keçken yılnıñ soñuna qadar, çoqusı bala olğan 70,8 million köçürülgen adamnı saydılar. Amma Ukrainada, Devlet köç (migratsion) hızmetiniñ malümatına köre, sığınaq qıdırğan insannıñ sayısı azllaştı
Dünyada qaçaqlarnıñ sayısı deyerli 26 millionğa bara, 3,5 million sığınaq qıdıra, ve daa 41,3 million - memleket içinde köçürilgen insanlardır, dep bildire BMT. Umumiy köstergiçler - soñki 70 yılnıñ içinde eñ yüksektir.
Keçken yıl eñ çoq sığınaq muracaatı Venesuella vatandaşlarından oldı. Aynı vaqıtta, BMT-niñ Qaçaqlar meseleleri boyunca baş komissarı aytqanı kibi, Venesuela terk etken 4 million sakinden tek yarım millionı sığınaq soradı.
Ukrainada şimdi sığınaq istegen ya da arizalarınıñ baqıluvını beklegen tahminen altı yarım biñ adam bar, olardan qaçaq statusını ya da qoşma yardımnı yılda tek yüzge yaqın adam ala
Qaçaqlarnıñ üçten birisini eñ fuqare memleketler qabul ete, orta ve alçaq keliri olğan memleketler öz elisiniñ biñ adamına tahminen 6 qaçaqnı qabul ete, yüksek kelirli memleketler ise biñ vatandaşına üçten aznı ala. Qaçaqlarnıñ 80% qomşu memleketlerinde yaşay.
Ukrainada şimdi sığınaq istegen ya da arizalarınıñ baqıluvını beklegen tahminen altı yarım biñ adam bar, olardan qaçaq statusını ya da qoşma imayeni yılda tek yüzge yaqın adam ala.
2019 yılınıñ başına itibaren, Ukrainanıñ Devlet köç hızmeti, eki statustan birisinde umumen 2620 adamnı belgiledi. Qaçaqlar ve Ukrainada sığınaqnı sorağanlar - dünyanıñ aman-aman 60-tan çoq memeleketinden keldi.
Ukrainada qaçaqlarnı yerleştirme ilk laferi 2001 senesi Odessada açıldı. Şimdi öyle müessiseler Zakarpattâda (Mukaçevo ve Pereçinde) ve Kyivde bar (Yağotında, o, eki yıl evel büyük davanen açıldı). Umumen anda 400-den çoq adam yerleşip ola.
Ukrainada qaçaq statusını alğanlarğa devlet bir kere 17 ğrıvnâlıq nefaqanı bere. Amma, BMT malümatına köre, memleketke qanunsız kelgen ya da arizanı keçikip bergen sığınaq istegenler, başta 1700 ğrıvnâlıq para cezasını tölemeli.
Ukrainada sığınaq sorağanlarnıñ sayısı ep eksilmekte, dep aytıp berdi Devlet köç hızmetiniñ reis muavini Natalya Naumenko. Oña köre, Ukraina alâ daa Şarqtan Ğarpqa, hususan Avropa Birligine, eñ intensiv migratsion aqıntıları memleketidir.
Ukraina alâ daa Şarqtan Ğarpqa, hususan Avropa Birligine, eñ intensiv migratsion aqıntıları memleketidirНаталья Науменко
Donbassta çatışma başlağanından berli, çetel göñüllileri Ukrainada imaye sorağanlarnıñ yañı bir çeşiti oldı. Naumenko aytqanına köre, Devlet köç hızmeti umumen olaraq 32 batalyon komandirinden ariza qabul etti, olardan 12-si bu yıl qaçaq statusını aldı, 4-7 admğa lâğu etildi.
Memurnıñ aytqanına köre, bu adamlar şarqta Ukraina tarafında cenk etkenlerini tasdıqlap olamadı.
“Malümatname, şeadetname, arqadaşlarından ve komandirlerinden qoltutuv mektüplerini köstergen adamlarnıñ episi bu imayeni aldı”, - dey o.
2019 senesi iyünde Ukraina Yuqarı Şurası, Ukraina bütünligini qoruvında iştirak etken çetel vatandaşları ve vatandaşlıqsız adamlarğa binaen qanun qabul etti. Amma bazı ekspertler onı eskirgen ıstılaatı ve komandir olmağan, lâkin Donbassta volontör olğan adamlarnı közde tutmaganı içün tenqit ete.
