"Bizim prioritetimiz — insanlarnı qorçalamaq, milletni qorçalamaq, insanlarnı aman-aman 10 yıl devam etken vaqtınca işğalden azat etmek, şunıñ içün Qırım, Donbas — Ukrayina qısmıdır, ve Hersonda, Zaporojjâda vaqtınca işğal etilgen topraqlarda bu insanlar bizni bekleyler", — dep bildirdi Ümerov.
O şunı da qoştı ki, Osloğa ziyareti vaqtında baş nazir Yonas Gar Ster ve mudafaa naziri Byorn Arild Gramm ile añlaşıp, Norveç Ukrayinada istisalnı doğrudan-doğru maliye etüv içün dan formatına qoşulacaq. Bu Ukrayina mudafaa quvetleri içün zaruriy silânı daa tez istisal etmege ve teslim etmege imkân berecek.
"Bundan da ğayrı, işbirlikniñ yañı formatı — "Norveç modeli" muzakere etildi. Ukrayina mudafaa tehnologiya şirketlerine yatırım yapuvnıñ yañı modeli aqqında söz yürsetile", — dep qayd etti Ümerov.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
