55 yaşındaki ağır hasta Qırımlı faal Yaşar Şihametovnı azat etmediler. Rusiye Federatsiyasınıñ Kemerovo vilâyetiniñ Yay rayon mahkemesiniñ qararı 2025 senesi orta küz ayınıñ 28-nde çıqarıldı, lâkin bu aqta tek şimdi belli oldı, dep haber ete "Qırım birdemligi".
Şihametov bir sıra hronik hastalıqları bar olğanı içün mahkemege muracaat etti. Yaşlı adam yürek ağrısı, büyrek taşları, yüksek qan basımından şikâyet ete edi. Aynı zamanda cezahanede oña yardım etkenlerini qayd etti.
Kemerov vilâyetiniñ Yaya qasabasında 37 tüzetüv cezahanesniñ vekili K.E. Borsukov "bu meseleniñ baqılmasını mahkeme qararına qaldırdı", dep aytıla qararda. Prokuror Şihametovnıñ azat etilmesine qarşı çıqtı. Qararda qırımtatar "menfiy şekilde" tasvirlengeni aqqında da aytıla.
2025 senesi ilk küz ayınıñ ayınıñ soñunda ekim komissiyası Şihametovnı teşkerdi ve böyle hulâsa çıqardı:
"Mahküm etilgenniñ RF ükümetiniñ 54 qararı ile tasdıqlanğan hastalıqlar cedveline kirgen hastalığı bar, bu da ceza çekmekten azat etilmek içün esas ola".
Rusiye ekimleriniñ qayd etkenine köre, mahküm "daimiy baqıluvğa, mahsus müessisede tedaviylevge muhtac degil, sağlıq vaziyeti boyunca umumiy sebepler ile tüzetüv müessiselerinde tutula bile".
Mahkemeci Yelena Petrakova, ekimlerniñ tevsiyesine esaslanıp, Şihametovnıñ hastalığı sebebinden azat etilmesini red etti.
2025 senesi boş aynıñ 13-nde erkek mahkeme qararına itiraz arizasını berdi ve oña razı olmağanını bildirdi. Yaşar Şihametov ve daa beş qırımtatarğa qarşı cinaiy iş 2021 senesi kiçik ayda Qırımnıñ bir qaç rayonında keçirilgen tintüvlerden soñ açıldı.
