Olardan 82 kişi Rusiye apishaneleri ve cezahanelerinde apis müddetini keçire, 28 kişi SİZO-da buluna, 2 kişi ev apsinde buluna, 5 kişi azat etildi.
Qırımnıñ ilhaqı vaqtında "Hizb ut-Tahrir" davalarına alâqası olğan qırımtatarlar 18 kere yaqalandı.
"Bu davalardaki qabaatlavlar "gizli şaatlarnıñ" ifadelerine ve Rusiye FSB-sı ile faal işbirlikte bulunğan "ekspertlerniñ" hulâsalarına esaslana. Tek "delil" olaraq tintüvler vaqtında tapılğan yasaq etilgen islâm edebiyatı, FSB-nıñ operativ malümatı ve mahkümlerniñ diniy ve siyasiy mevzularda munaqaşaları qayd etilgen audio yazıları qullanıla. Faaller Rusiyede yasaq etilgen "Hizb ut-Tahrir" teşkilâtınıñ faaliyetine alâqası olğanında qabaatlanalar", — dep qayd etteler merkezde.
Mında qoşalar ki, Rusiye öz qanunlarını siyasiy maqsatlarda, hususan qırımtatarlarnıñ zorbalıqsız küreşini ve Qırım ilhaqına qarşı narazılıqlarını bastırmaq içün qullana.
QRM-nde mabüslerniñ bütün ükümlerini lâğu etmekni ve diger siyasiy mabüslerni acele azat etmekni talap ete. Merkez halqara toplulıqnı Qırımda siyasiy taqiplerni toqtatmaq maqsadınen Rusiye Federatsiyasına basqını quvetleştirmege ve Qırımda insan aqlarınıñ bozuluvı içün mesüliyetli olğan şahıslarğa qarşı şahsiy sanktsiyalar kirsetmege çağıra.
QRM-niñ malümatına köre, Rusiye Qırım yarımadasını ilhaq etkeninden berli 370 siyasiy sebepli cinaiy taqip qayd etildi, olardan 228 qırımtatarlarğa qarşı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
