Çeçek ayınıñ 4-nde Bağçasarayda Qırımtatar milliy areketiniñ veteranı, Qırımtatar halqınıñ lideri Mustafa Cemilevniñ ağası Asan Cemilev vefat etti. Bu aqta Qırımtatar Milliy Meclisiniñ reisi Refat Çubarov içtimaiy ağlardaki saifesinde haber etti.
"Rusiye varbarları tarafından işğal etilgen Qırımdan pek acınıqlı haber: bugün, 2026 senesi çeçek ayınıñ 4-nde, Bağçasarayda Qırımtatar milliy areketiniñ veteranı, Qırımtatar halqınıñ lideri Mustafa Cemilevniñ ağası Asan Cemilev 89 yaşında vefat etti. Asan Cemilevniñ tuvğanları ve yaqınlarına teren taziye bildiremiz", — dep yazdı Çubarov.
1944 senesi Asan Cemilev qorantasınen beraber Qırımdan sürgün etildi. Quralaynıñ 18-nde saba, Cemilevler yaşağan evge sovet askerleri kelgende, evde tek ana ve beş balası bar edi. Silâ telükesi altında olarğa eñ kerekli şeylerni toplap, 15 daqqa içinde meskenni terk etmekni emir ettiler. Daa soñra bütün qorantanı yük vagonında Özbekistanğa alıp kettiler.
Qırımğa qaytqan soñ Bağçasarayda yaşadı. Qırım yarımadasınıñ işğali başlağanından berli o, Rusiye quvetçileri tarafından basqığa oğratılıp keldi, 2017 senesi kiçik ayda onı FSB sorğuğa çekken edi