Vaqtınca işğal etilgen topraqlardan eñ çoq insan Rusiye Silâlı quvetleriniñ saflarına Qırımdan çağırıla, er yıl tahminen 5 biñ insan.
"Vaqtınca işğal etilgen topraqlarda Rusiye işğalci akimiyeti muntazam sürette seferberlik tedbirlerini keçire. Adetince bular Rusiye Federatsiyasınıñ pasportları olğan insanlar ola, ve işğal etilgen topraqlarda pasportlaştıruv ceryanı pek faal keçkenini köz ögüne alıp, bu tedbirlerni keçire. Olarnıñ planlarına köre, olar muvafaqiyetli keçe", — dep bildire Ukrayina Mudafaa nazirliginiñ Baş istihbarat idaresiniñ vekili Yevğen Erin.
Yerinniñ qayd etkenine köre, eñ çoq askerlikke çağıruv sisteması Qırımda çalışa, anda işğalden soñ eñ azından 22 askerlikke çağıruv kampaniyası keçirildi.
"Şartlı olaraq, er yıl 5 biñge yaqın kişi Rusiye Silâlı quvetlerine çağırıla. Yani, er bir kampaniya içün şartlı olaraq 2,5 biñ asker. Anda olar çoqtan berli işley, bu arbiy saylavlar sisteması, olarnı yarattılar, ve anda buña qarşı bir problem yoq", — dep añlattı o.
Onıñ aytqanına köre, işğal etilgen topraqlarnıñ sakinleri arasında Rusiye ordusına çağırılğanlarnıñ sayısına köre Qırımlılar lider oldı.
