Qırımtatar Milliy Meclisi bu yıl Qırımnıñ azat etilmesini bekley ve bunen bağlı "bazı tedbirler planlaştıra". Bunı Qırım.Aqiqatqa Qırımtatar Milliy Meclisiniñ reisi Refat Çubarov bildirdi.
"Olar yañı adamlarnı tutacaqlar ve olarnı apishanelerge oturtacaqlar. Amma epimiz yahşı bilemiz ki ve halq ikmeti de bunı dey: tañ atmazdan evel qaranlıq daa da qoyudır. Er angi tahminlerden uzaqlaşmaq isteymiz, amma Qırımtatar halqı Meclisiniñ faaliyetinde bu sene azat etilecegini bekleymiz. Ve biz artıq bazı tedbirlerni planlaştıramız", - dey Meclis reisi.
Fevralniñ 24-nde Ukrayina prezidenti Volodımır Zelenskıy, memleket Ukrayina yarımadası - Qırımnıñ işğalden azat etilmesine azırlana, dep bildirdi.
Ukrayina prezidenti ofisiniñ yolbaşçı muavini İğor Jovkva Ukrayinanıñ er angi toprağınen bağlı uzlaşuvlar Rusiyenen bir vaqıt muzakere etilmeycek, dep bildirdi.
Evel ABD Devlet kâtibiniñ muavini Viktoriya Nulad ABD Qırımnı Rusiye tarafından büyük bir arbiy bazağa ketirilgen Ukrayina toprağı olaraq saya ve Ukrayina tarafınıñ Qırım yarımadasındaki Rusiye arbiy obyektlerine darbe endirmesine qarşı degil, depbildirgen edi.
Evel Kırılo Budanov Ukrayina Qırımnı küç ve diplomatiya yolunen qaytaracaq, dep bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
