Link açıqlığı

Saatnıñ esas haberi

Qırımtatar faali Aqmescit mahkemesinde: «Aq qorçalayıcı faaliyetim içün taqip etilem»


Qırımtatar faali Lutfie Zudiyeva
Qırımtatar faali Lutfie Zudiyeva

Qırımtatar faali, aq qorçalayıcı Lutfiye Zudiyeva Kreml kontrolindeki Aqmescit Kiyev rayon mahkemesiniñ oturışuvı vaqtında oña qarşı dava uydurıldı, Rusiye uquq qoruyıcı organları ise onı «aq qorçalayıcı faaliyeti» sebebinden taqip ete, dep ayttı.

Qırım.Aqiqat mühbiriniñ bildirgenine köre, Zudiyeva, memuriy davasınıñ temelinde olğan fotoresimlerni Facebook içtimaiy ağındaki saifesinde beş yıl devamında tapıp olamadı. Faal, fotoresimlerniñ ekseriyetini özü degil de, başqa bir qullanıcı qoyıp, onı qayd etken edi, dep bildire.

Zudiyevanıñ qayd etkenine köre, oña qarşı açılğan memuriy dava oña ve Qırımdaki diger faallerge qarşı basqı aleti ola. Bu şekilde olarnı informatsion ve aq qorçalayıcı faaliyetini toqtatmağa mecbur etecek olalar.

Rusiye quvetçileri mayısnıñ 30-nda eki qırımtatar faalini tuttı: aq qorçalayıcı ve vatandaş jurnalisti Lutfiye Zudiyevanı ve Bağçasaraydaki «Hizb ut-Tahrir davası» mabüsiniñ ömür arqadaşı, «Qırım balalığı» teşebbüsiniñ koordinatorı Mümine Saliyevanı. Ekisi de Rusiye Memuriy cinayetler kodeksiniñ 20.3 maddesine istinaden qabaatlana – yasaqlanğan timsallerniñ numayışı. İşbu madde boyunca memuriy apis cezası berile.

Qırımlı faallerniñ mahkeme künü (video)
Bekleñiz, lütfen

No media source currently available

0:00 0:05:24 0:00

​Zudiyevanıñ aytqanına köre, dava malümatlarında qullanıcı Tagir Minibayevniñ 2014 senesi aprel ayında paylaşqan yazısı bar, Zudiyeva anda qayd etile.

Ukraina Tış işler naziri Pavlo Klimkin dünya toplulığını mayısnıñ 30-nda ilhaq etilgen Qırımda tutulğan qırımtatar aq qorçalayıcıları Lutfiye Zudiyeva ve Mümine Saliyevanıñ azat etilüvini talap etmesine çağırdı.

Al-azırda Qırım ve qomşu Rusiyeniñ müessiseleri bir de bir izaat bermediler.

İşğalden soñ Qırımdaki faktik Rusiye akimiyeti mustaqil jurnalistler, vatandaş faalleri, Qırımtatar Milliy areketiniñ faalleri, Qırımtatar Milliy Meclisiniñ azaları ve Rusiyede yasaq etilgen «Hizb ut-Tahrir» teşkilâtı ile alâqalı olğanlarından şübheli sayılğan Qırım musulmanlarınıñ evlerinde muntazam surette kütleviy tintüvler ötkere.

XS
SM
MD
LG