Qırımtatar örnegini UNESCO-nıñ insaniyetniñ maddiy olmağan mirası cedveline kirsetilüvi ile bağlı rey berüv 2021 senesi küzde olacaq. Bu aqta “Alem” cemaat teşkilâtınıñ başı Esma Aciyeva Qırım. Aqaqatqa bildirdi.
“Bizim taqımımız vesiqalarnı 2020 senesi saban ayında berdi, al-azırda bu vesiqalar baqıla: o UNESCO-nıñ saytında insaniyetniñ maddiy olmağan mirası cedveline kirsetilecek namzet olaraq endi yayınlanğan. Rey berüv tahminen kelecek sene küzde olacaq, şunıñ içün şimdi biz bekleymiz”, - dedi Esma Aciyeva.
2018 senesi Ukraina Medeniyet nazirligi qırımtatar örnegini medeniy miras cedveline kirsetti.Medeniyet nazirliginde, qırımtatar örnegi ve onıñ elementleri bezekler olaraq esas itibarı ile nağışta, urbada, ayaqqaplarda, baş kiyimlerinde, türlü aksessuarlar çeşitlerinde, quyumcılıq eserlerinde ve turmuş eşyaları: keramik ve maden savutlar, ağaç eşyalar, ev eşyaları, mebel bezetilmeleri ve kilim töşemelerinde qullanılalar. O, muim bir özüni tanıma elementi, er bir qırımtatar qorantasınıñ ayatındaki ayırılmaz bir parçadır.
