Qırımtatar örnegini UNESCOnıñ insaniyetniñ maddiy olmağan mirası sırasına kirsetmek ihtimalını yaratqan azırlıq cedveline qoştılar. Bu UNESCOnıñ saytında bildirile.
"Alem" cemaat teşkilâtı, bu mesele boyunca qarar alacaq oturış 2021 yılda olacağını bildirdi.
"Qırımtatar örnegi" nominatsiya vesiqasınıñ azırlaması "Alem" teşkilâtınıñ uzun müddetli teşebbüsi edi. Onıñ insaniyetniñ mirası cedveline taqdim etilmesi sanat ustalarınen sıq işbirlikniñ em de Ukrainanıñ Medeniyet ve Haber siyasetiniñ Nazirliginiñ desteginiñ neticesi oldı", - denile teşkilâtnıñ beyanatında.
2018 yılda Ukraina Medeniyet Nazirligi qırımtatar örnegini Milliy maddiy olmağan medeniy miras cedveline qoştı.
