"QırımSOS" aq-uquq qoruyıcı teşkilâtı işğal etilgen Qırımda qırımtatar faali Nariman Kurukçiniñ evinde keçirilgen tintüvni ve İlver Ametovnıñ taqip etilüvini Rusiye akimiyeti tarafından Qırımtatar Milliy Meclisine "tazyıqnıñ arttırıluvı" kibi qıymetlendire.
"Qırımtatar regional Meclisisniñ reis muavini Nariman Kurukçiniñ evinde tintüv keçirilüvi ve Qırımtatar regional Meclisisniñ resi İlver Ametovnıñ taqip etilüvi işğalci akimiyetiniñ Sudaqtaki qırımtatar faallerine tazyıq kibi qıymetlendirmek mümkün", - dep bildirdi "QırımSOS" talilcisi Yevgen Yaroşenko.
Keçende Rusiye quvetçileri Sudaqnıñ Qutlaq (Veseloye) köyünde qırımtatar faali Nariman Kurukçiniñ evinde tintüv keçirdi.
Rusiyeniñ nezaretinde olğan Sudaq şeer mahkemesinde Qırımtatar regional Meclisisniñ reberi İlver Ametvonıñ davası boyunca ilk mahkeme oturış olıp keçti. Faal "nariye silânıñ qanunsız saqlaması" ile qabaatlana. Söz, siyasetçiniñ evindeki müzeyde cam altında saqlanğan Ekinci Cian cenkinden qalğan tüfekniñ parçaları aqqındadır.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
