Avgustnıñ 14-nde Qırımnıñ Rusiye başı Sergey Aksönov, iyül ayında suvnıñ köterilmesi neticesinde Qırımda 4082 insan zarar körgen kibi tanılğan, 2 ölgen, 59 yaralanğan, dep bildiri Rusiye prezidentine.
Bu müddet içinde 4300 adam yardım istep muracaat etken, 2622 adamğa endi tezminat berilgen.
Aksönov, Putinge muracaat etip, suv taşqınlarından zarar körgenlerge yardım berilüv protsedurasını sadeleştirimek rica etti.
«244 adam mahkede dava açtı. Yaşağan yerleriniñ belgilenilmesi içün arizalarını azırlamağa yardım ettik. Daa 344 ariza azırlaymız. Er keske para berilecek, Qırım Cumhuriyetinin yedek fondundan 273 million ruble», – dedi o.
Keriçteki suv basuvı: ev ve soqaqlarnı suv bastı, sakinlerni tahliyege azırlaylar (fotoresimler)
Qırımda avgustnıñ 10-ndan 12-ne qadar yağğan küçlü yağmurlar neticesinde 95 mustaqil evni ve 192 azbarnı suv bastı, dep bildirdi Qırımnıñ Rusiye ükümetiniñ yolbaşçısı Yuriy Gotsanük.
Qayd etmeli ki, sinoptikler raatlıq künleri Qırım şarqında yañı boranlı yağmurlar yağacaq, dep tahmin ete.
Keriçte Gluhov soqağındaki 40 ev suv basuv telükesi altında buluna.
