Qırım yırcısı Yuliya Kaçula ve Krapka; KOMA Lviv dueti beraber ukrain tilinde «Tviy Spokiy - Tvoya Svoboda» yañı yırnı taqdim etti. Yırnıñ klipi de bar. Anda Aqmescit ve Lvivden kadrlarnı körmek mümkün.
Video Yuliya Kaçulanıñ Youtube kanalından yayınlanğan.
«Birlik – er taraftan deñiştirmege tırışılğan degerliklerni birlikte qorumaqtır. Yamanlıq daa ziyade olmadı, o, sadece daa ziyade birdem oldı. Biz Krapka; KOMA ile beraber yalıñız bir trek ve video yapmadıq, biz birleştirdik ve birleştirildik. Qalğanını er kes özü bile...», – dep yazdı Kaçula video tübünde.
Krapka; KOMA – Lvivdeki elektron taqım. Leyhanıñ muzıka janrı downtempo, trip-hop, indie electronica ve experimentaldan ibaret, kimerde caz elementleri de bar.
Yuliya Kaçula ve ukrain reperi Mixa ukrain şairi ve yazıcısı Taras Şevçenkonıñ «Gogolge» şiiriniñ sözlerine yır yazıp, video çıqardılar.
Qırım yırcısı Yuliya Kaçula "Tilkı nam" ("Tek bizge") adlı türküniñ Aqmescitte çıqarılğan muzıkalı klipini taqdim etti.
Daa evel Kaçula "Druğovi" ("Dostuma") türküsiniñ Aqmescit soqaqlarında çıqarılğan muzıkalı klipini numayış etti.
Keçken yılnıñ oktâbr ayında çeşit millet vekilleri olğan balalar, "Güzel Qırım" qırımtatar halq yırını ukrain tilinde yırlap, klip çıqardı.
Yuliya Kaçula - Qırımda yaşağan ukrain yırcı, türkü müellifi, jurnalist, terciman, yır ocası. "Ukraince diñle!" leyhasınıñ müellifi.
