Qırımda yırcı Yuliya Kaçula ve ukrain reperi Mixa ukrain şairi ve yazıcısı Taras Şevçenkonıñ «Gogolge» şiiriniñ sözlerine yır yazıp, vido çıqardılar.
Video Kobzarnıñ doğğan kününde Yuliya Kaçulanıñ Youtube kanalında yayınlandı.
«Şevçenko, ukrain vatanperver ikâyeleri içün «Gogolge» pek bükük qıymet bere edi, olarnıñ arasında Taras Bülba. «Teftişçi» ve «Ölü canlar» icviy eserleri. Sağ ol, Taras, örintir içün», – dep yazdı yırcı.
Taras Şevçenko 1814 senesi martnıñ 9-nda dünyağa kelip, edebiyat ve ressamlıq icadı sayesinde meşur oldı. O, ukrain medeniyetiniñ eñ büyük timsallerinden biri ola.
Martnıñ 9-nda, salı künü, Aqmescitte ukrain şairi ve yazıcısı Taras Şevçenkonıñ doğğan künü munasebeti ile Kobzarnıñ abidesi yanında Qırımnıñ Ukraina cemiyeti Rusiye teşkilâtınıñ başı Anastasiya Gridçinanıñ reberligi altında tedbir keçirildi.
Qırım yırcısı Yuliya Kaçula "Tilkı nam" ("Tek bizge") adlı türküniñ Aqmescitte çıqarılğan muzıkalı klipini taqdim etti.
Daa evel Kaçula "Druğovi" ("Dostuma") türküsiniñ Aqmescit soqaqlarında çıqarılğan muzıkalı klipini numayış etti.
Keçken yılnıñ oktâbr ayında çeşit millet vekilleri olğan balalar, "Güzel Qırım" qırımtatar halq yırını ukrain tilinde yırlap, klip çıqardı.
Yuliya Kaçula - Qırımda yaşağan ukrain yırcı, türkü müellifi, jurnalist, terciman, yır ocası. "Ukraince diñle!" leyhasınıñ müellifi.
