Link açıqlığı

Saatnıñ esas haberi

Qırımlı Yuliya Kuçula Aqmescitte ukrain tilinde çıqarılğan yañı klipni taqdim etti (+video)


Qırım yırcısı Yuliya Kaçula "Tilkı nam" ("Tek bizge") adlı türküniñ Aqmescitte çıqarılğan muzıkalı klipini taqdim etti.

Bunı Qırım.Aqiqatqa yırcınıñ matbuat hızmeti bildirdi.

"Bu türküge aman-aman eki yıl oldı ve onıñ lâyıq icracıları tapıldı. Metinni tekaran yazıp bitirdim, muzıkasını işlep bitirdim ve "Qırım balaları" (Deti Krıma") ile beraberlikte, adamlarnıñ nasıl yaşağanını, fikir yürsetkenini, areket etkenini ve icat etkenini istegenimizni kösterdik", - haber ettik Kaçula.

Kaçula, türküniñ çekimlerine ve yapılmasına qoşulğan er keske minnetdarlığını bildirdi: metin müellifi Mihail Nevidomskiyge, bit içün DRIMAbeats-ke, azırlav, iştirak ve destek içün "ID Dance" şou baletine, bütün muzüka platformalarında tarqatıluv içün "Svitanok Records"-ğa. Ve ayrıca bu yırnı icra etken "Qırım balaları"na sağ ol dedi.

Daa evel Kaçula "Druğovi" ("Dostuma") türküsiniñ Aqmescit soqaqlarında çıqarılğan muzıkalı klipini numayış etti.

Keçken yılnıñ oktâbr ayında çeşit millet vekilleri olğan balalar, "Güzel Qırım" qırımtatar halq yırını ukrain tilinde yırlap, klip çıqardı.

Yuliya Kaçula - Qırımda yaşağan ukrain yırcı, türkü müellifi, jurnalist, terciman, yır ocası. "Ukraince diñle!" leyhasınıñ müellifi.

XS
SM
MD
LG