Qırımda Krasnoperekopsk rayonında Voinka köyüniñ yanında yol qazası yüz berdi, eki adam elâk olğan, daa üçü yaralanğan. Bu aqta Qırım matbuatı bildire.
Rusiye polisi, Voinka köyüniñ çıqışında VAZ-2012 maşnasınıñ aydavcısı Skoda maşnasına yol bermedi, dey.
Matbuat hızmetinde, yol qazası saat 14.30-da oldı, dep bildireler.
Qırımnıñ Yedi Quyu rayonındaki yolda yolcu avtobusı endekke «uçıp ketti», neticede bir insan elâk oldı, sekiz kişi farqlı yaralar aldı.
Qırımda Rusiye Tahqiqat Komitetinin idaresi “Yañış Taqıl (Zavetnoye)-Keriç” marşrutınen yol tutqan avtobusınıñ qazası sebebinden cinaiy dava açıldı. Qazada bir adam elâk oldı.
