Qırımda fevqulâde yanğın telükesiniñ rejimi, sentâbrniñ 28-ine qadar ilân etilgen, dep bildire Qırım gidrometeomerkezi.
Rusiye FVN-niñ Qırım idaresiniñ malümatına köre, sentâbr 26-sından 28-inece yarımadada quru ot yana bile.
Yüksek yanğın telükesi sebebinden yanğınğa oğraması mümkün olğan yerler yanında ateş yaqmağa, mangal qullanmağa, tütün içmege, yanğan sernik taşlamağa, pirotehnik mahsullarnı qullanmağa, benzin, kerosin ya da diger yanğan madde ile yağlanğan şeylerni qaldırmağa, küneş tüşken orman alanlarında şişe, diger çöplükni qaldırmağa, terek tübünde, alanlarda ot yaqmağa yasaq etile.
Daa evel Qırımda yüksek yanığn telükesi sebebinden sentâbrniñ 28-ine qadar fevqulâde yanğın telükesiniñ rejimi olacağı bildirile edi.
Sentâbrniñ 18-nde aqşam Kefe civarındaki Kaygador (Orconikidze) qasabasında 10 gektardan ziyade meydanda quru ot yandı. Bir qaç saat içinde yanğın meydanı 30 gektarğa yandı. Sentâbrniñ 19-nda saba yanğın meydanı 45 gektarğa arttı. Bu aqta Rusiye kontrolindeki Qırım ükümetiniñ Fevqulâde vaziyetler nazirligi bildire.
Sentâbrniñ 25-inde Qırımda sıcaq olacaq, yağanaqlar tahmin etilmey. Eñ sıcaq yalı boyunda olacaq.
