Link açıqlığı

Saatnıñ esas haberi

Qurtarıcılar, Kefe civarındaki orman yanğın ketirgen zararnı saya


Qırımda yanğın, arhiv süreti
Qırımda yanğın, arhiv süreti

Qırımda Kefe civarındaki Kaygador (Orconikidze) qasabasında sentâbr 18-inde 45 gektarnı qaplağan yanğın ketirgen zararnı sayalar. Bunı Aqmescitte matbuat konferentsiyasında Rusiye FVN-niñ Qırım idaresiniñ vekili Dmitriy Borovskiy ayttı, dep bildire "Krıminform" saytı.

Borovskiyniñ aytqanına köre, ziyan büyük olsa, cinaiy dava açıla bile.

"Bu vaqiağa bağlı dava açıldı, teşkerüv keçirile, yanğınnıñ sebepleri ve ziyanı biline. Ziyanğa köre, cinaiy davanı açmaq qararı alınacaq. Cinaiy davanı açmaq içün zararnı belli bir miqdarı olamalı", - añlattı Borovskiy.

Sentâbrniñ 18-nde aqşam Kefe civarındaki Kaygador (Orconikidze) qasabasında 10 gektardan ziyade meydanda quru ot yandı. Bir qaç saat içinde yanğın meydanı 30 gektarğa yandı. Sentâbrniñ 19-nda saba yanğın meydanı 45 gektarğa arttı. Bu aqta Rusiye kontrolindeki Qırım ükümetiniñ Fevqulâde vaziyetler nazirligi bildire.

Kefe civarındaki yanğınnıñ ilk sebebi manğalnı diqqatsız qullanılması ola bile, dep bildire Qırımdaki Rusiye Fevqulâde vaziyetler nazirliginiñ matbuat hızmeti.

Qırımda sentâbrniñ 28-ine qadar fevqulâde yanğın telükesiniñ rejimi ilân etilgen edi.

XS
SM
MD
LG