"Qırım birdemligi" birleşmesi avgust 31-inde saba tintüvlerden soñ tutulğan faallerni imaye etecek advokatlarnıñ adlarını ayttı.
Böylece, tutulğanlarğa yuridik yardımnı böyle adokatlar yapacaq: Aleksey Ladin (Ayder Kadırov), Emine Avamileva (Enver Topçı), Safiye Şabanova (Ayder Ablâkimov) ve Marlen Halikov (Ridvan Ümerov).
Emil Kurbedinovnıñ aytqanına köre, advokatlarnıtintüvlerge yibermediler. "İnterfaks" matbuatına tefsir bergende o, adliyeciler müşterilerinen körüşmegence, olar Rusiye Cinaiy kodeksiniñ qaysı bir maddesi boyunca şübeli sayılğanı belli olmaz.
Daa evel Seyitler rayonında "Qırım birdemligi"niñ jurnalisti, "Grani.ru" mühbiri Ayder Kadırovnıñ evi tintilgeni bildirile. Bundan ğayrı Seyitler Vaqıf (Razlivı) köyünde Seyitler soqağında tintüv yapılğanı haber etile edi. Onıñnen beraber İçki rayonında (İçki qasabası, Zolotovo soqağı) Enver Topçınıñ ve Sudaqta (Çalaş Smail soqağında) faal Ridvan Ümerovnıñ evi tintildi.
Rusiye quvetçileri bu vaziyetni açıq tefsir etmey.
