Qırım boyunca Rusiye FVN-niñ idaresiniñ hadimleri, rusiyeli Halq Biriligi Künü sebebinden yüksek seviyeli azırlıqta hızmet ete, dep bildirdi noyabr 4-ünde müessiseniñ matbuat hızmeti.
"Telükesizlikni umumen 108 adam ve 19 tehnika temin etecek, olar er türlü fevqulâde vaziyetlerge azır", - denile beyanatta.
Müessiseniñ malümatına köre, bayram ve raatlı künleri devamında yarımadada yanğın havfsızlığı meselelerine ayrıca diqqat etile.
Bazarertesi, noyabrniñ 4-ü, ilhaq etilgen Qırımda rusiyeli Halq Biriligi Künü sebebinden raatlıq künüdir.
Qomşu Rusiyede 2005 senesi noyabr 4-ünden berli Halq Biriligi Künü devlet bayramını qutlaylar. Bu bayramnı keçirmek teşebbüsini Rusiye Dinlerara Şurası kösterdi. Qırımda bu künni ilhaqtan soñ qutlap başladılar.
Bundan evel Rusiyede ve işğal etilgen Qırımda 2018 senesi dekabrniñ 30-ı – 2019 senesi yanvarniñ 8-i, fevralniñ 23-24-ü, martnıñ 8-10-u, mayısnıñ 1-5-i, noyabrniñ 2-4-ü (Halq birligi künü) raatlıq künleri olaraq ilân etilgen edi. Bundan ğayrı, iyünniñ 12-si – Rusiye künü – tatil olacaq.
