Kreml kontrolindeki Qırım yolbaşçısı Sergey Aksenov 2019 senesiniñ baar ve yaz aylarında bayram tatillerini tasdıqladı. Buyruq Qırımnıñ Rusiye ükümetiniñ resmiy portalında derc etildi.
«Tatil bayram künleri olaraq ilân etmek: 2019 senesi aprelniñ 29-zı – Pasha bayramı; 2019 senesi iyünniñ 4-ü – Oraza bayramı; 2019 senesi iyünniñ 17-si – Aziz Üçlü künü; 2019 senesi avgustnıñ 12-si – Qurban bayramı», – dep aytıla vesiqada.
Bundan evel Rusiyede ve işğal etilgen Qırımda 2018 senesi dekabrniñ 30-ı – 2019 senesi yanvarniñ 8-i, fevralniñ 23-24-ü, martnıñ 8-10-u, mayısnıñ 1-5-i, noyabrniñ 2-4-ü (Halq birligi künü) raatlıq künleri olaraq ilân etilgen edi. Bundan ğayrı, iyünniñ 12-si – Rusiye künü – tatil olacaq.
