Rusiye kontrolindeki Qırım yolbaşçısı Sergey Aksönov, Qırımda mayısnıñ 12-nden itibaren koronavirus yuqunçına oğrav telükesi sebebinden mecburiy maska rejimi kirsetilecegini ilân etti.
Bunı o mayısnıñ 7-sinde COVID-19 ile küreş operativ ştabınıñ toplaşuvında bildirdi.
"Mayıs 12-sinden itibaren Qırımda içtimaiy yerlerde maska rejimi kirsetile. Tibbiy maska olması lâzim degil, olar yalıñız içtimaiy yerlerde taqıla - tışarıda yürgende, turaqta turmasañız ya da binağa kirmeseniz, maskanıñ keregi yoq", - añlattı Aksönov.
“Mayın 12-dən etibarən Krımda ictimai yerlərdə maska rejimi tətbiq ediləcək. Tibbi maska olmaq lazım deyil, bunlar yalnız ictimai yerlərdə geyilir - yalnız küçədə gedərkən, avtobus dayanacağında durmursan və ya otağa girməsən, maska lazım deyil ”deyə Aksyonov izah etdi.
Qırımda keçken künü 8 yañı koronavirus hastası qayd etildi.
Böylece, al-azırda Qırımda 168 yañı koronavirus hastası qayd etildi. 22-si çetelden keldi, 17-si – Rusiyeden. 22 hastanıñ Rusiyeden kelgenlernen alâqası oldı, 106 kişi laboratoriyada tasdıqlanğan hastalarnen alâqada olğan edi. 41 kişi tüzeldi. Bir hasta vefat etti. Aqyarda 106 COVID-19 hastası bar, eki insan vefat etti.
Qırımnıñ Rusiye akimiyeti bildirgenine köre, mayısnıñ 12-nden itibaren maska rejimini kirsetmege azır. Daa evel Qırımda yüksek seviyeli azırlıq rejimi mayısnıñ 11-ne qadar uzatılğan edi, Aqyarda onı mayısnıñ 30-na qadar uzatqanlar.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
