İyül 11-iniñ sabasına qadar Qırımda COVID-19 yayılmasından sebep 4397 adam tibbiy baqıluv altında buluna, bildire Qırım akimiyetiniñ matbuat hızmeti.
Qayd etilgeni kibi, 4397 adamdan 3251-i evlerinde, 352 hastahanelerde ve 784-ü observatolarda baqıla.
Qırımdaki Rospotrebnadzor idaresiniñ malümatına köre, pandemiyanın bütün müddeti devamında umumen 855 COVID-19 hastası qayd etildi. 177 adam tedaviylene, 647 adam yahşı olıp hastahanelerden çıqtı.
Aqyarda iyül 10-unda doquz yañı koronavirus adisesi qayd etildi.
İyülniñ 10-unda Qırımda 24 COVID-19 adisesi qayd etildi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
