Qırımda Rusiye polisi özüni izolâtsiya etüv rejimini bozğanlarğa qarşı 275 memuriy protokolnı tizdi. Bunı aprelniñ 29-ında Qırım boyunca Rusiye İİN-niñ baş müavini Aleksandr Smaglin bildirdi.
"Tışarıda çoq adam olğanını köremiz, profilaktika işlerini yapamız ve bozucılarnı mesuliyetke çekemiz. 20.6 maddege binaen 275 vaqianı qayd ettik. 11 bala tutuldı, ana-babalarına qarşı protokol tizildi, bundan ğayrı bir ecnebiy adamğa qarşı protokol tizildi. Soqaqlarda 147 esli-başlı adam tutuldı, bütün adiselerni qayd etip, olarnıevlerine yolladıq", - dedi Smaglin.
Qırımda daa 10 yañı COVID-19 adisesi qayd etildi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
