Aprelniñ 29-ında sabasınace Qırımda daa 10 yañı COVID-19 adisesi qayd etildi. Bunı ruisyeli Qırım başı Sergey Aksönov bildirdi.
"Tünevin daa on yañı adise. Olardan üçü - Aluştadan yoqulav olğan terapiya bölüginden ekimler. Dört adam - Aqmescit Cumhuriyet bala klinik hastahanesi: eki ekim ve eki patsiyent. Ve üç adam - eski merkez, poyezdde kelgen hasta adamnen qonuşuv. Olar izolâtsiyada edi, telüke pek küçüktir", - haber etti Aksönov.
Qırım ve Aqyardaki Rospotrebnadzor idaresiniñ reberi Natalya Penkovskaya bildirgeni kibi, umumen 89 koronavirus adisesi qayd etildi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
