Qırımda furtuna ihtarı: yağmur, burçaq ve küçlü yel beklenile

14 iyün 2019, 14:25

Qırımda iyün 14-ünde furtuna ihtarı ilân etildi, dep bildire Rusiye Fevqulade Vaziyetler Nazirliginiñ Qırım idaresiniñ matbuat hızmeti.

"İyün 14-ünde Qırımda kündüzden başlap, gecegece qadar küçlü yağmur, furtuna, balaban burçaq ve 20-25 m/s yel beklenile", - denile beyanatta.

Batqan Qırım. Sağanaqlar yarımadanı qapladı (süret toplamı)

1/9 Alupkada Vorontsov sarayında furtunalı yel muvaqqat damnı qoparıp alıp ketti, sağanaq bir qaç haneni suvnen bastı

2/9 Voronstov sarayınıñ azbarını da suv bastı

3/9 Aqmescitte sağanaq yol areketini qıyınlaştırdı. Kimer soqaqlar maşnalarnen tıqanıp qaldı

4/9 Burçaqtan saqınıp, aqmescitliler maşnalarını yorğanlarnen örte

5/9 Aqyarda sağanaqta Kotovskogo enuşi zarar kördi. Qırım.Aqiqat mügbiri bildirgeni kibi, suv bir qaç yerde yol töşemesini bozdı

6/9 Aqyarnıñ kimer rayonlarında kirli suvdan damlar ve yol töşemesini bozğan aqıntılar toplandı

İyünniñ 7-nde Aqyarda küçlü yağmur yağdı. Şeerniñ çeşit rayonları ve soqaqlarını, şu cümleden Kazaçya buhta ve Aqyar avtovokzalını suv bastı. Sağanaq neticesinde 6 elektrik naqil hattı zarar kördi.

Aqyarnıñ şeer hızmetleri ve qurtarıcıları sağanaq aqibetlerinden sebep quvetleştirilgen rejimde çalışa.

Link açıqlığı

Qoşulıñız!

Qırımda furtuna ihtarı: yağmur, burçaq ve küçlü yel beklenile

Batqan Qırım. Sağanaqlar yarımadanı qapladı (süret toplamı)