Aqyarda iyünniñ 7-nde yağğan sağanaq neticesinde 6 elektrik naqil hattı zarar kördi. Bu aqta şeerniñ Rusiye ükümetiniñ matbuat hızmeti bildire.
«Aqyarda sağanaqlar neticesinde 6 elektrik naqil hattı, şu cümleden eki içtimaiy obyektte, zarar kördi. Tamir işleri keçirile. Bir saat içinde içtimaiy obyektler bağlanacaq», – dep aytıla haberde.
Bundan ğayrı, sağanaq aqımlarından Kotovskiy enişi pek zarar kördi, aşağı areket qapatıldı. Gogol, İndustrialnaya soqaqları, Oktâbrsköy revolütsii caddesi (8-inci ev yanında), Oçakovtsev, Kazaçya buhtadaki keçiş noqtası yanındaki meydan, avtovokzal rayonı, Artbuhta ve Fedorovskaya soqaqları zarar kördi. Tamir işleri keçirile. Sağanaq neticesinde şahsiy evler de zarar kördi.
«Saat 12:00-da 11 çoq daireli evniñ damına suv keçti, 5-i tamir etilgen edi», – dep bildirdi matbuat hızmeti.
Aqyarnıñ şeer hızmetleri ve qurtarıcıları sağanaq aqibetlerinden sebep quvetleştirilgen rejimde çalışa.
İyünniñ 7-nde Aqyarda küçlü yağmur yağdı. Şeerniñ çeşit rayonları ve soqaqlarını, şu cümleden Kazaçya buhta ve Aqyar avtovokzalını suv bastı.
