Qırımda Rusiye FSB-siniñ hadimleri, Ekinci Cian cenkinden qalğan 41 mina ve 16 granata taptı, olar Yedi Quyu (Leninskiy) rayonında yerden qazılıp çıqarılğan edi.
Qırım matbuatı Rusiye FSB-siniñ matbuat hızmetine esaslanıp, arbiy adamlar arbiy yedeklerni patlatuv poligonına alıp ketti, dep bildire.
Amma Rusiye FSB-si, minalarnı yerden kim qazıp çıqarğanını alâ daa bilmey.
Daa evel Keriçte açıq mıntaqada yerli sakinler Ekinci Cian cenkinden qalğan eki bombanı tapqanı bildirilgen edi.
Qırım ve Aqyarda Ekinci Cian Cenkinden soñ topraqta qalğan mermiler ara-sıra tapıla. Yarımadada minasızlaştıruv taqımları çalışa.
