Keriçte açıq mıntaqada yerli sakinler Ekinci Cian cenkinden qalğan eki bomba taptı. Rusiye FVN-niñ Qırım idaresi bildirgeni kibi, aviatsion bombalarnıñ çekisi 20-şer kilogram.
Qurtarıcılar haber etkenine köre, aviatsion bombalar muvafaqiyet ile yerden çıqarılıp, mahsus maşnanen mahsus poligonğa alıp ketildi. Anda ise yoq etildiler.
Bundan soñ qurtarıcılar bomba tapılğan yerni tekrar teşkerip baqtılar, başqa patlayıcı cihazlar tapılmadı.
Fevral 22-sinde Aqyarnıñ Gagarin rayonıñda Ekinci Cian cenkinden qalğan 50 killogramlıq aviatsion bombanı zararsızlaştırdılar.
Yanvar 31-inde “Hersones Tevriçeskiy” müzey qoruğında Ekinci Cian Cenkinden qalğan patlayıcı maddeler tapılğan edi.
Qırım ve Aqyarda Ekinci Cian Cenkinden soñ topraqta qalğan mermiler ara-sıra tapıla. Yarımadada minasızlaştıruv taqımları çalışa.
