Fevral 22-sinde Aqyarnıñ Gagarin rayonıñda Ekinci Cian cenkinden qalğan 50 killogramlıq aviatsion bombanı zararsızlaştıracaq olalar. Rusiye FVN-niñ Aqyar idaresi bildirdi ki, bu sebepten “Tubdispanser” turağınıñ 1 kilometrge qadar etrafı qapatılacaq.
Müessisede, yolnı saat 9:00-dan tedbirlerniñ soñuna qadar qapatacaqlarını haber etti.
Qurtarıcılarnıñ malümatına köre, bombanı “Krımspetsservis” şirketini taptı.
“Patlayıcınıñ tış qıyafeti iprandı ve onıñ çeşitini belgilemek qıyın, bundan sebep onı yoq etmek içün mahsus poligonğa alıp çıqmağa imkân yoq”, - denile beyanatta.
Yanvar 31-inde “Hersones Tevriçeskiy” müzey qoruğında Ekinci Cian Cenkinden qalğan patlayıcı maddeler tapılğan edi.
Qırım ve Aqyarda Ekinci Cian Cenkinden soñ topraqta qalğan mermiler ara-sıra tapıla. Yarımadada minasızlaştıruv taqımları çalışa.
