Soñki 24 saat içinde Qırımda doquz yañı COVID-19 adisesi qayd etildi. Bunı Rusiye kontrolindeki Qırım yolbaşçısı Sergey Aksönovnıñ COVID-19 stabınıñ toplaşuvında bildirdi.
Onıñ aytqanına köre, hastalanğanlar - Saq hastahanesiniñ 5 ekimi ve 4 patsiyeti, episi observatorda buluna.
"Bütün bu adiseler simptomsız edi. Olarnıñ episi Saq rayon hastahanesiniñ terapevtik bölüginde observatsiyada edi. Bular laboratoriyada tasdıqlanğan hasta ile alâqada bulundı. Olarnıñ episi faal nezaret neticesinde tayin etildi ve şimdilik 7-inci şeer hastahanesine keçirildi", - Qırım ve Aqyardaki Rospotrebnadzor idaresiniñ yolbaşçısı Natalya Penkovskaya.
Qırımda mayısnıñ 12-nden itibaren koronavirus yuqunçına oğrav telükesi sebebinden mecburiy maska rejimi kirsetile.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
