Ermeni Bazarda şeer hastahanesini koronavirusqa oğrağan adamlar içün gospitalge çevirdiler, bildirdi Qırım Sağlıq Nazirliginiñ başı İgor Çemodanov.
"Bu hastahaneden daa mart ayında COVID-19 gospitali yapılacaq edi. Bu evel alınğan bir qarardır, keskin ya da fevqulâde allar olmadı. COVID hastaları artsa, mında qoyulacaqlar. O yengil ve simptomsız hastalar içün", - dedi Çemodanov "Krıminform" matbuatına.
По его информации, пациентов больницы распределили по другим больницам по маршрутизации.
Tünevin Qırımda 36 yañı koronavirus adisesi tasdıqlandı, Aqyarda ise altı yañı COVID-19 adisesi qayd etildi.
Umumen Qırımda, yerli akimiyetniñ malümatına köre, 1820 yañı koronavirus hastası qayd etildi. 83-ü çetelden keldi, 114-ü qomşu Rusiyeden kelgenler ve olarnen alâqada olğanlar. 1245 kişi tüzeldi, 21 hasta koronavirustan vefat etti. Aqyarda yılnıñ başından 427 insan yañı koronavirus yuqunçına oğradı, 331 insan tüzeldi, 12 kişi vefat etti.
Rusiye kontrolindeki Qırım akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
