Keçken afta devamında Qırımda 24 yol qazası ve 55 yanğın oldı, olarğa qurtarıcılar celp etile edi, dep bildire Rusiye FVN-niñ Qırım idaresi.
Müessiseniñ malümatına köre, yol qazalarına oğrağan 30 adam qyrtarıldı, ekisi elâk oldı. Yanğınlar neticesinde ise 15 adam tahliye etildi, 1 kişi elâk oldı.
Bundan ğayrı, matbuat hızmeti bildire ki, dağ-irman mıntaqasında 7 qıdıruv-qurtaruv tedbiri yapıldı, olarnıñ neticesindde 11 adamnı qurtardılar. Ve suvda da 4 qaza yüz berdi, olarda üç adam qurtarılda, birisi elâk oldı.
Qırımda yılnıñ başından 491 yanğın södürilgen edi,olarda 42 adam elâk oldı.
Qırımda aprel 1-inden yüksek yanğın telükesi rejimi ilân etildi.
Muessise, Qırım sakinleri ve musafirlerini dağda mıqayt olmağa çağırta.
Avgustnıñ 11-inde üyleden soñ Üç Qoş deresinde yanğın başlandı. Fevqulade vaziyetler hızmetiniñ (FVH) haber etkenine köre, yanğın uzaq dağlıq yerinde, 45-80 derecelik bir bayır capında başlandı. Ateşniñ söndürmesine, derede 15-20 m/s qadar köterilgen küçlü yel mania ola.
