Siyasiy motivli davalar ile oğraşqan dört qırımlı advokatnıñ memuriy taqibiniñ ikâyesi keçken afta yekünlendi. İstinaf mahkemesi Edem Semedlâyev, Nazim Şeyhmamabetov, Ayder Azamatov ve Emine Avamilevağa qarşı çıqarılğan bütün qararlarnı quvette qaldıdrdı.
Mustaqil advokatlar institutı ile Qırımdaki mahkeme sisteması arasındaki uquqiy çatışma aqqında tarif etmege qarar berdik. Bu sefer advokat Emine Avamilevanıñ tevqif etilmesi aqqında tarif etemiz.
"Bu bir basqı şeklidir"
Emine Avamileva birden şeylerinen mahkemege keldi, çünki eñ başından bir qaç künge tefqif etile bilecegini közde ögünde tuta edi.
Mahkeme oturışınıñ başında Avamileva 11 advokat ve cemaat imayeciniñ tarafından mudafaa etilecegini istey, amma advokat Sergey Demenok "advkot statusına saip olmağan" adamlarnıñ mahkeme esnasında bulunmasına qarşıdır. Onıñ fikrince, Avamilevanıñ imaye aqqını qullanıp olması içün altı advokat yeterli olacaq.
Reislik yapqan foto ve video çekişi yapmağa yasaq ete, diñleyicilerni mahkeme zalına yibermek ricanı, protokol yazmaqnı ve prokurornı çağırmaqnı red ete.
Advokat maskanı taqqan edi, polis ise yoq
Avamileva, haber vastalarına yapqan qonuşması adiy tecribedir, dey. Bu miting degil edi, 2021 senesi oktâbrde o, tevqif etilgen Edem Semedlâyevniñ başına kelgenler aqqında malümat bergen.
Amma olaranıñ iç birisi maska taqmağan edi, bunı pek yahşı hatırlayımEmine Avamileva
Polis bölüginde diger advokatlarnen berber maska taqqan edi ve juranistlerge izaat bermek içün tışarığa çıqqanda onı biraz endirgen edi.
"Körme alanında polis hadimleri de bar edi, olar bizim aytqanlarımıznıñ episini diñlep, qayd ete edi, amma olaranıñ iç birisi maska taqmağan edi, bunı pek yahşı hatırlayım", - dep izaatladı oña qarşı tizilegen protokolnı Avamileva.
Advokat Safiye Şabanova videodaki polis hadimleri maskasız olğanını qayd ete. Videoda, diger şeyler arasında Avamileva "Qırımda esnaslardan uzaqlaştırılğan oñaytsız advokatlar bar" dey.
Olarnıñ maqsadı advokatlarnı qorqutmaqtır
Mahkemeci advokat Edem Semedlâyevniñ tevqif etilmesi ile bağlı protokollarnı baqıp çıqtı. Bu potokollarda Avamilevanıñ onıñ meraqlarını temsil etkenini yazılğan.
Advokat Cemil Temişev, suçlanğannıñ qabaatı isbatlanmağanını, protokol ise bozuvlarnen tizilgenini saya. "Onıñ maqsadı ihtisasiy advokatlarnı taqip etmektir, olarnı qorqutmaqtır", - dep qayd ete o.
Advokat Edem Semedlâyev zenaatdaşlarını destekley: "O zaman deşetli bir hastalıq bar edi - koronavirus. Biz mahkemeciler, yanğın söndüriciler kibi sıñırlav tedbirleriniñ tayin etilmesine, mahkeme oturışlarına kete edik, bütün memleket boyunca blokpostlar olğanda diger şeerlerge barıp, adamlarğa yardım ete edik. Böyle aldı, bütün bizim faaliyetimizni kövidniñ yayılmasına uyğunlaştırmaq olur".
O, tevqif etilgen bütün qırımtatar imayecilerniñ davasında, Edem Semedlâyevniñ sözlerine köre "polis bölügine işke kibi ketken" sadece eki qıznıñ olğanın qayd etti.
Advokat Emil Kurbedinov, şu künü 22 kişini "quvetçiler avtobusqa konserva bankasına kibi tıqqanlarını, soñra ise büyük zalğa kirsetkenlerini" qayd ete. Onıñ sözlerine köre, o zaman iç bir kimse ne mesafe, ne de maskalar aqqında tüşünmedi bile.
"Bu, bütün bularnıñ uydurma ve saçma olğanını köstere", - dedi Kurbedinov.
Bu basqıdır
Yekün nutqunda Avamilev taqipniñ siyasiy sebepleri olğanını ayta.
Bu bizim ihtisasiy faaliyetimizge maniadırEmine Avamileva
"Bunı cinayet davalarında advokatlıq faaliyetimizge keder etmek içün şekliy sebep kibi qıymetlendirem... Bu cinayet davalarnıñ qanun bozuvları ile baqılğanına dair, bu oturışlarnıñ keçirilmyesi aqqında içtimaiyetke malümat beremiz. Bu bizim ihtisasiy faaliyetimizge maniadır", - dedi Avamileva.
Onı diñlegen soñ mahkemeci Sergey Demenok advokat Emine Avamilevanı qabaatlı tanıdı.
"Suçnıñ derecesini ve cinayetlerni hususiyetini köz ögüne alıp" mahkeme advokat Emine Avamilevanı 5 künge tevqif etmege qarar etti.
MALÜMAT: Qırımda mayısnıñ 26-ndan başlap dört qırımlı advokat tutuldı. Başta advokat Edem Semedlâyev tutuldı, onı Facebook qullanıcısı tarafından Rusiye Federatsiyası ordusınıñ Ukrainada yapqanlarına dair paylaşuvda qayd etilgeni içün Rusiye ordusını «itibardan tüşürgeninde» qabaatladılar.
Mayısnıñ 27-nde Rusiye kontrolindeki Aqmescitniñ Merkeziy rayon mahkemesi qırımlı advokat Nazim Şeyhmambetovnı sekiz künge idariy apiske aldı. Şeyhmambetovnı qorumaq içün mahkemege kelgen advokatlar Ayder Azamatov ve Emine Avamileva da Rusiye uquq qoruyıcıları tarafından tutuldı.
Mayısnıñ 29-nda Rusiye kontrolindeki mahkeme advokat Emine Avamilevanı beş künge apiske aldı. 8 künge apiske alınğan Ayder Azamatov kibi o da 2021 senesi oktâbrniñ 25-nde zenaatdaşları Edem Semedlâyevni polis bölüginiñ binası ögünde qoruğanda cemaat nizamını bozğan (İdariy uquq bozuvları kodeksiniñ 20.2.2 maddesiniñ 1-inci qısmı) vatandaşlarnıñ cemaat yerlerinde aynı vaqıtta kütleviy bulunğanını teşkil etkeninde qabaatlandı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
