Siyasiy motivli davalar ile oğraşqan dört qırımlı advokatnıñ memuriy taqibiniñ ikâyesi keçken afta yekünlendi. İstinaf mahkemesi Edem Semedlâyev, Nazim Şeyhmamabetov, Ayder Azamatov ve Emine Avamilevağa qarşı çıqarılğan bütün qararlarnı quvette qaldıdrdı.
Mustaqil advokatlar institutı ile Qırımdaki mahkeme sisteması arasındaki uquqiy çatışma aqqında tarif etmege qarar berdik. Bu sefer advokat Ayder Azamatovnıñ tevqif etilmesi aqqında tarif etemiz.
Advokat Ayder Azamatov nasıl tevqif etildi?
Advokat mahkeme binasına polisniñ refaqatında ketirildi. Mahkeme oturışınıñ başında o kelgen bütün advokat ve cemaat imayecileriniñ kirmesine izin berilmesini istey. Amma mahkemeci Sergey Demenok onıñ imaye aqqı bozulmağanını ve Azmamtovnıñ özü advokat ve mahkeme zalında yeterili qadar imayeci olğanını bildirdi. Bular Aleksey Ladin, Cemil Temişev, Emil Kurbedinov, İslâm Velilâyev, Safiye Şabanova, Refat Yunus, Edem Semedlâyev, Emine Avamileva. Bundan ğayrı episine yer yetmeycek, dey mahkemeci.
Adalet niverlengen
Şefaatlarnıñ berilme safhasını Cemil Temişev aça ve eksiklerni tüzetmek içün polis protokolınıñ keri qataraılmasını talap ete. Mahkeme davanıñ asılı baqılmağa başlanğanı içün red ete.
Advokat Aleksey Ladin, Azamatovnıñ suçlanğan memuriy made üzre ceza cezaiy mesüliyetke uyğun olğanı sebebinden prokurornıñ çağırılmasını istey. Advokat, sorğu içün polis hadimleriniñ de celp etilmesinde israr ete. Mahkemeci bu muracaatlarnı red ete.
Advokat Emil Kurbedinov şaatlarnıñ - qılar Nelepa ve Asanovanıñ çağırılmasını istey. Mahkemeci kene red ete, onıñ fikrince şaatlarnıñ buña alâqası yoq. Bundan soñ Safiye Şabanova üç diñleyiciniñ zalğa yiberilmesini istey. Mahkemeci kene red ete, çünki "şeerde alâ daa kövid sıñırlavları bar".
Bundan soñ Ladin mahkemeciniñ redini bildire ve davanıñ neticesi ile doğru ya da vastalı ile meraqlı olğanını bildire. Mahkemeci vazifesini yerine ketirgende adaletli olmalı, dey.
"Bu printsiplerge riayet etüv imkânsız, çünki mahkemeci öz pozitsiyasını bildirmege istegen imaye tarafınıñ bütün muracaatlarını red etti", - dedi Ladin.
Sanitariya qaidelerini bozdı
Redni mahkemeci red etti, çünki "davanıñ tarafsızlığından şübe etecek iç bir obyektiv deliller yoq". Ve muracaatlarnı red etmege devam etti: protokol yazmaq, zalğa jurnalistlerni yibermek, advokatlar palatasınıñ prezidenti Yelena Kançini çağırmaq.
Soñra mahkeme qabaatlavnı oqudı.Protokolda, Azamatov "sanitariya qaidelerini" bozıp qırımtatar milletinden olğan adamlarğa destek olmaq maqsadınen göñülli olaraq kütleviy tedbirde iştirak etip digerlerinden bir metrden az mesafede olıp, "koronavirus yuqunçınıñ yayılaması telükesini" yaratqanı qayd etile.
Men anda bulunğan adiy bir vatandaş degil edim, men o zaman müvekkilimniñ menfaatlarını meraqlarını temsil ete edimAyder Azamatov
Azamatov qabaatlavlarğa razı olmay.
"Kütleviy haber vastalarınıñ hadimi izaatımnı almaq içün maña muracaat etti. Bu işanç menfaatlarına zıt kelmese, advokatlıq, tahqiqat gizliligi olmasa red etmege aqqım yoq. İzaat bermek içün müvekkilimniñ izni bar edi. Men anda bulunğan adiy bir vatandaş degil edim, men o zaman müvekkilimniñ menfaatlarını temsil ete edim", - dedi Azamatov.
Yarım yıldan soñ hatırladılar
Advokat Edem Semedlâyev mahkemecige, mahkeme oturışınıñ başında o, tışarıdaki diñleyicilerge malümat yetiştirecek sekiz ihtisasiy advokatnıñ bulunması aqqında defalarca aytqanını hatırlattı.
"Polis binasından çıqıp, zenaatdaşlarım bunı yaptılar. İç bir qanun bozma yoq edi. Bu advoktalarnıñ vazifesidir", - dey Semedlâyev.
Ayderniñ şu künü ihtisasiy faaliyetini eda etkeninde suçu yoqEmil Kurbedinov
Advokat Emil Kurbedinov, raportlar oktâbr ayında, protokl ise yarım yıldan soñ tizilgenine diqqat ete. "Ayderniñ şu künü ihtisasiy faaliyetini eda etkeninde suçu yoq. Yarım yıl areket etmegen polis hadileri suçludır, yarım yıl sustılar, soñra ise dört advokatqa qarşı protokollar tizdiler", - dep qayd etti Kurbedinov.
Öz nevbetinde advokat Ladin, operativ-qıdıruv faaliyetiniñ neticeleri memuriy uquq bozmalar üzre davalarda qullanılmaycağına diqqat çeke. Vu, davadaki deliller bozuvlar ile alınğan ve davanı qapatmıq içün yeterlidir dey.
"Deliller esassızdır"
Mahkemeci Sergey Demenok Ayder Azamatovnı qabaatlı tanıp oña sekiz kün memuriy tevqif tayin etti. Qararda "deliller esassızdır" dep yazıla.
O ayrıca qayd etti ki, "qabaatlınıñ statusını köz ögüne alıp", protokoldaki formal bozuvlar qaba degil. Bu qısımda mahkeme Azamatovnıñ advokat statusını tanıdı, ihtisasiy vazifelerini eda etken zaman ise yoq.
MALÜMATNAME :Qırımda mayısnıñ 26-ndan başlap dört qırımlı advokat tutuldı. Başta advokat Edem Semedlâyev tutuldı, onı Facebook qullanıcısı tarafından Rusiye Federatsiyası ordusınıñ Ukrainada yapqanlarına dair paylaşuvda qayd etilgeni içün Rusiye ordusını «itibardan tüşürgeninde» qabaatladılar.
Mayısnıñ 27-nde Rusiye kontrolindeki Aqmescitniñ Merkeziy rayon mahkemesi qırımlı advokat Nazim Şeyhmambetovnı sekiz künge idariy apiske aldı. Şeyhmambetovnı qorumaq içün mahkemege kelgen advokatlar Ayder Azamatov ve Emine Avamileva da Rusiye uquq qoruyıcıları tarafından tutuldı.
Mayısnıñ 29-nda Rusiye kontrolindeki mahkeme advokat Emine Avamilevanı beş künge apiske aldı. 8 künge apiske alınğan Ayder Azamatov kibi o da 2021 senesi oktâbrniñ 25-nde zenaatdaşları Edem Semedlâyevni polis bölüginiñ binası ögünde qoruğanda cemaat nizamını bozğan (İdariy uquq bozuvları kodeksiniñ 20.2.2 maddesiniñ 1-inci qısmı) vatandaşlarnıñ cemaat yerlerinde aynı vaqıtta kütleviy bulunğanını teşkil etkeninde qabaatlandı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
