Tünevin aqşam Qırımnıñ İçki qasabasınıñ sakinleri Rustem Mennanov, Asan Seythalilov ve Eldar Seyt-Eminovğa polis hadimleri "qanun bozuvı qabul etilmezligi aqqında" tenbi vesiqasını berdi.
Bu aqta olar "Qırım birdemligi" cemaat birleşmesine ve öz Facebook saifelerinde haber ettiler.
"Polisniñ üyken hadimi Aleksey Vladimiroviç keldi ve tenbi vesiqasını berdi. Olarnı maña daa ne qadar yibereceklerini soradım. Emir bar dedi, şunıñ içün tenbi vesiqalarını ketire eken", – dedi Seythalilov.
Aynı tenbi vesiqalarını işğalciler evel aq-uquq qoruyıcılar, jurnalistler ve "Qırım birdemligi"niñ faallerine bergen ediler.
Yanvarnıñ 22-nde Qırımdaki Rusiye polisi Canköy rayonında Timofeyevka köyünde yaşağan qırımtatar Riza Asanovğa tenbi vesiqasını berdi, dep haber etti “Qırım birdeligi”.
Evel, Rusiye quvetçileri qırımtatar faalleri Aziz Karahalilov ve Arsen Yakubov, “Qırım birdemligi” cemaat birleşmesiniñ koordinatorı Mustafa Seydaliyev ve mühbiri Emin Rustemovnı ziyaret etip, olarğa “Qırım Cumhuriyetinde yüksek azırlıq vaziyeti” rejiminiñ tayin etilmesi sebebinden mitingler keçirilmesiniñ ve ziyaret etilmesiniñ yasaq etilmesi aqqında tenbi vesiqasını berdiler.
