Rusiye nezaretindeki Qırım akimiyeti, adamlarnıñ özüni izolâtsiya etmekni talap etken hastalıqlarnıñ cedvelini derc etti.
Vesiqağa köre, şeker diabeti, astma, obstruktiv aqciger hastalığı, bronhoektatik hasyalıq, ağciger qan yürmesiniñ bozuqlığı, köçürilgen beden müçesiniñ olması, hronik büyrek hastalığı, keskin leykoz, yüksek derecede limfomalar ve başqa limfoproliferativ hastalıqlar.
Vesiqada qayd etile ki, özüni izolâtsiya etüv rejiminde esas hastalıq boyunca hastahanege barılması mümkün.
Aqyarda 5 koronavirus adisesi tasdıqlandı. Qırımda umumen 14 adam hastalandı.
İşğal etilgen Qırımda martnıñ 28-nden başlap iyünniñ 1-ne qadar pansionat, raatlıq evleri ve şifahaneler işini toqtata.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
