Poloniya prezidenti Yazıhanesiniñ devlet kâtibi, Halqara siyaset bürosınıñ reberi Yakub Kumoh Ukraina prezidenti ofisiniñ reber muavini İğor Jovkva ile laf etkende, «Qırım platforması» sammitinde Poloniya «yüksek seviyede» temsil olunacacağını bildirdi.
Bunı iyülniñ 29-nda Ukraina prezidenti ofisiniñ matbuat hızmeti haber etti.
«Yakub Kumoh, Ukrainanıñ Qırımnıñ işğalden azt etilmesi içün yapılğan teşebbüslerini destekledi ve avgust ayında Kyivde «Qırım platforması»nıñ tesis sammitinde Poloniya yüksek seviyede temsil olunacacağını tasdıqladı», – dep yazıla bildirmede.
Yakub Kumokh, Ukraynanın Krımın işğaldan azad edilməsinə yönəlmiş təşəbbüslərini dəstəklədiyini ifadə etdi və Polşanın Avqust ayında Kiyevdə Krım Platformasının açılış zirvəsində yüksək səviyyədə təmsil olunacağını təsdiqlədi.
Ukraina Tış işler naziri Dmıtro Kuleba 28 memleket ve halqara teşkilât avgustnıñ 23-nde «Qırım platforması» sammitinde iştirak etmege razı oldı, dep bildirdi.
Mayısnıñ 20-nde Ukraina prezidenti Volodımır Zelenskıy «Qırım platforması» sammitine 30 memleketniñ vekilleri kelecek, dep ayttı. Onıñ bildirgenine köre, Rusiye «Qırım platformasını» pek ağır yanaşa.
Ukraina prezidenti ofisiniñ reber muavini İğor Jovkva «Qırım platforması» boyunca halqara sammit Ukrainada 2021 senesi avgustnıñ 23-nde olacaq, dep bildirgen edi.
Rusiye Tış işler nazirliginiñ spikeri Mariya Zaharovanıñ aytqanına köre, Rusiye tarafı Ukraina teşebbüsinen keçirilecek Qırım platformasında iştirak etmege azır, amma meydançıqta yarımada problemleri muzakere etilmeli – suv teminlevinden naqliyatqa qadar.
Kreml, Rusiye 2014 senesi işğal etken Qırımnıñ topraq mensüpligi meselesi muzakere etilmeycek, dep bildirgen edi. 2014 senesi AB ve ABD Qırım işğali ve Rusiyeden destek alğan «DNR» ve «LNR» tarafından bir qısmı işğal etilgen Donbastaki vaziyet sebebinden Rusiyege qarşı sanktsiyalar kirsetti.
«Qırım platforması»
Qırımnı işğalden qurtaruv halqara meydançığı (Qırım platforması) – Ukraina akimiyetiniñ qırımlılarnıñ aqlarını qorçalamaq ve işğal altındaki yarımadanı azat etmek içün Ukraina ve halqara ortaqlarınıñ areketlerini koordinatsiya etmek içün muzakere platformasınen bağlı teşebbüsidir.
2020 senesi sentâbr ayında Ukraina prezidenti Volodımır Zelenskıy BM Baş Assambleyasınıñ 75-nci sessiyasında iştirakçi memleketlerni bu platforma qurulmasına qoşulmağa çağırdı.
Daa evel böyle planlarını Ukrainanıñ vaqtınca işğal etilgen topraqlar meseleleri nazirligi ve Ukraina Tış işler nazirligi aydınlatqanlar. Ukraina Tış işler nazirligi, Donbastaki zıddiyetni çezüv ve Qırımnı işğalden qurtaruv muzakere meydançıqları bir-birinden ayrı olmalı, dep tüşüne.
Ukraina Tış işler naziriniñ birinci muavini Emine Ceppar bildirgenine köre, Rusiyeni Qırımnı işğalden qurtaruv halqara platformasında iştirak etmege davet etecekler, amma iştirak etecegine inanmaylar. Bundan evel Ukraina Tış işler naziri Dmıtro Kuleba, Rusiyeni bu meydançıqta körmey, dep ayttı.
2020 senesi oktâbr ayında Poloniya Qırımnı işğalden qurtaruv halqara platforması çerçivesinde çalışmağa meraqlı, dep bildirdi.
Ukraina prezidenti Volodımır Zelenskıy bildirgenine köre, Avropa Birliginiñ liderleri Avropa Birliginiñ Qırımnı işğalden qurtaruv platformasına qoşulmağa azır olğanını ayttı. Resmiy Kyiv Qırımnı işğalden qurtaruv platformasına Türkiye, Malayziya, Slovakiya, Büyük Britaniya ve diger memleketler qoşulır, dep bekley.
Kreml, Qırım meselesi qapatıldı ve Rusiye onı halqara muzakerelerge almaycaq, dep bir qaç kere bildirgen edi.
