Link açıqlığı

Saatnıñ esas haberi

QMC prokuraturası Rusiye quvetçileriniñ Qarasuvbazar rayonında keçirgen tintüvleri sebebinden cinaiy tahqiqat başlattı


Salı künü, iyünniñ 2-nde, Qırım Muhtar Cumhuriyetiniñ prokuraturası Rusiye quvetçileriniñ Qırımnıñ Qarasuvbazar rayonında qırımtatarı Şeyde Asanovanıñ evinde keçirgen tintüv sebebinden cinaiy tahqiqat başlattı. Bu aqta müessiseniñ matbuat hızmeti bildirdi.

«Qırım Muhtar Cumhuriyetiniñ Qarasuvbazar rayonıña qırımtatarınıñ evinde qanunsız tintüv keçirgen işğalci «uquq qoruyıcılarnıñ» mesken tiyilmemezligini bozğanından Ukraina Ceza kodeksiniñ 162-nci maddesiniñ 2-nci qısmına istinaden (mesken tiyilmemezligi) cinaiy tahqiqat başlatıldı», – dep aytıla haberde.

Bu madde eki yıldan beş yılğa qadar apis cezası berilmesini belgilemekte.

Qırımnıñ Qarasuvbazar rayonındaki Qışlav (Kurskoye) köyünde yaşağan qırımtatarı Şeyde Asanova iyünniñ 2-nde evinde keçirilgen tintüv vaqtında quvetçiler oğluna qarşı açılğan «cinaiy davanen» bağlı vesiqa ya da eşyalarnı qıdırdı, dep bildirdi.

Hatırlatamız, iyünniñ 2-nde Qarasuvbazar rayonınıñ Qışlav (Kurskoye) köyünde qırımtatarlarnıñ evinde tintüv keçirildi.

Daa evel Qırımda qurucısı Lenur İslâmov sayılğan «Noman Çelebicihan göñülli batalyonınıñ» azaları olğanında qabaatlı tanılğan üç qırımtatarına qarşı qabaatlayıcı qarar qabul etildi. Bu birleşmeniñ azaları olğanından şübheli sayılğan daa eki qırımlınıñ ğıyabiy ükmü çıqarıldı.

Ukraina uquq qoruyıcı organları erkânında qırımtatar batalyonını quruv munaqaşası 2016 senesinden berli devam ete.

Ukraina İç işler nazirligine ait Ukraina Milliy gvardiyası, olarnıñ qurulışında «qırımtatar batalyonınıñ» qurulması aqqında beyanatlar şimdilik qanun seviyesinde tasdıqlanmağan beyanatlar olıp qla, dep qayd etken edi.

«Asker» cemaat teşkilâtınıñ yolbaşçısı Lenur İslâmov Noman Çelebicihan «qırımtatar batalyonına» arbiy bölük nomerasını bermege talap etken edi.

XS
SM
MD
LG