Qırımnıñ Qarasuvbazar rayonındaki Qışlav (Kurskoye) köyünde qırımtatarlarnıñ evlerinde tintüv keçirile. Bu aqta «Qırım birdemligi» cemaat birleşmesi bildire.
Rusiye quvetçileri saba saat 8-lerde keldi.
Rusiye gvardiyası ve OMON hadimleri çalışa.
Evde 1955 senesi doğğan Şeyde Asanova yaşay.
Tintüv sebepleri belli degil. Rusiye quvetçileri açıq şekilde izaat bermey.
2014 senesiniñ işğalinden soñ Qırımdaki Rusiye akimiyeti mustaqil jurnalistler, vatandaş faalleri, Qırımtatar Milliy areketiniñ faalleri, Qırımtatar Milliy Meclisiniñ azaları ve Rusiyede yasaq etilgen «Hizb ut-Tahrir» teşkilâtı ile alâqalı olğanlarından şübheli sayılğan Qırım musulmanlarınıñ evlerinde muntazam surette kütleviy tintüvler ötkere.
