İlhaq etilgen Qırımnen memuriy sıñırıdaki Çaplınka tevevizion ve radio qullesini 92 metrden 133 metrge qadar yüksekletildi. Bu aqta Ukrainanıñ Televizion ve radio eşittirüvler boyunca Milliy şuranıñ azası Serğiy Kostınskıy bildire.
“Keçken afta RRT Kontsernniñ qullesiniñ 92 metrden 133 metrge qadar yükşekleşturüv işleri yekünlendi. Nevbetteki basamaq - antenna yüksekliginiñ arttırılmasıdır. Bundan soñ ukrain televizon kanallarınıñ ve radio stantsiyalarınıñ signalı Herson vilâyetiniñ Çaplınka, Kalançaq rayonlarına ve Qırım MC-niñ Krasnoperekopsk rayonına yetecek”, - dep, yazdı Kostınskıy Facebookta.
Ukrana tele ve radio yayınları meseleleri boyunca milliy şurasınıñ azası, yañı radiostantsiyalar Hersonnıñ cenübiy tarafında ve Qırımda yayınlamaq içün yañı yarışlarda iştirak eteceklerine ümüt etkenini yazdı.
Martnıñ 17-nde Qırmnıñ memuriy sıñırı yanında Çonğar qasabasında tantanalı surette televizion ve radio qullesi açılğan edi. Onıñ sayesinde ukrain telekanalları ve radiostantsiyaları Rusiyeniñ istilâsına oğratılğan yarımadada yayın yapa bilecek.
Ukrana tele ve radio yayınları meseleleri boyunca milliy şurası iyülniñ 27-nde, yarışnı qazanıp işğal etilgen Qırımda yayın yapa bilecek beş ukrain telekanalını ilân etken edi. Bular: UA:Krım (NOTU), Çernomorskaya TRK, ICTV, «5 kanal» ve «Prâmıy» (Tonis). Telekanallarnı 200 biñ qırımlı seyir etecek.
Rusiye ve onıñ ittfaqdaşları, Rusiye tarafından kontrol etilgen territoriyalar – ilhaq etilgen Qırım ve işğal etilgen Donbassnıñ bir qısmında Ukraina kütleviy haber vastalarınıñ yayınlavlarını toqtattı. Bu sebepten Ukrainanıñ kütleviy haber vastaları Kyivniñ kontroli altında olmağan territoriyalarğa öz signallarını iriştirmek içün imkânlar qıdırılmaqta.
Misal içün, Ukrainanıñ Milliy içtimaiy radio şirketi ile beraber de ilhaq etilgen Qırımda orta AM dalğalarındaki 549 kHz sıqlığında eşittirüvlerini yayınlağan Qırım.Aqiqat Radiosı, 2017 senesi sentâbrniñ 4-nden başlap, FM diapazonınıñ 105,9 MHz sıqlığında künde 24 saat içinde Qırım içün radioeşittirüvlerini translâtsiya etmege başladı. Ukrainanıñ Şarqındaki şeerlerde FM diapazonında çalışqan ve Ukrainanıñ Dünya radio hizmetiniñ orta dalğalarında (1431 kHz) radioeşittirüvlerini yayınlağan Donbass.Aqiqat Radiosı leyhası, 2016 senesi yanvarniñ 23-nden başlap, Donetsk ve Lugansk vilâyetleriniñ Ukrainanıñ kontroli altında olmağan rayonları içün yayınlarını translâtsiya ete.
