Link açıqlığı

Saatnıñ esas haberi

Qırım MC prokuraturası Qırımda Cemilevni taqip etken rusiyeli mahkemecilerge qarşı mahkemege 20 qabaatlav berdi


Mustafa Cemilev
Mustafa Cemilev

Qırımtatar halqınıñ milliy lideri Mustafa Cemilevni Qırımda taqip etken rusiyeli mahkemicelerge qarşı Ukrayina mahkemesine 20 qabaatlav aktını yolladı. Bunı Qırım MC ve Aqyar şeeriniñ prokuraturası haber etti.

"Muhtariyetniñ prokuraturası bu davada iştirak etken "mahkemecilerge" qarşı mahkemege 20 qabaatlav aktını yolladı ve suçlu şahıslarnı mesüliyetke çekmek içün işni devam ete", - dep yazıla bildirmede.

Qırım MC Prokuraturası qayd etti ki, Rusiye qanun qoruyıcıları ve mahkeme organları öz areketleri ile "halqara gumanitar uquq qaidelerini, şu cümleden 1949 senesi cenk zamanı grajdan ealiniñ mudafaası aqqında IV Jeneva şartnamesini boza".

Aprelniñ 22-nde Rusiyeniñ nezaretinde olğan Ermeni Bazar şeer mahkemesi qırımtatar haqlınıñ milliy lideri Mustafa Cemilevge ğıyaben üküm çıqardı. O qabaatlı tanıldı, amma aqlama etilmegen esaslarğa köre azat etildi.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2ud65mnh9spru.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Mustafa Cemilev

Mustafa Cemilev – qırımtatar milliy areketiniñ lideri, dissident, Qırımtatar Milliy Meclisiniñ reisi (1991 senesinden 2013 senesine qadar). Repressiyalarğa oğratılğan edi, 15 yıl sovet apishanelerinde yattı. 303 kün devamında Omsk apishanesinde açlıq tuttı. Rusiye akademiki, dissident Andrey Saharov Cemilevge qol tutıp, BM baş kâtibine mektüp yazdı.

Mustafa Cemilev 1991 senesi Qırımğa qaytıp oldı.

III-IX çağırılış Ukraina Yuqarı Radasınıñ halq deputatı ola.

Cemilev – Türkiyedeki Selçuk universitetiniñ uquq fahriy doktorı, «Ukrain cemiyetiniñ demokratizatsiyası içün» Orlık halqara mukâfatınıñ laureatı ola. Nansen medali (BM), V ve IV seviyeli Yaroslav Mudrıy knâziniñ nişanınen taqdirlengen edi.

2014 senesi Rusiyeniñ Qırım işğaline qarşı çıqtı. Rusiye oña qarşı bir qaç cinaiy dava açtı. 2016 senesi Cemilevniñ namzeti Saharov mukâfatına kösterildi.

XS
SM
MD
LG