Mayıs 21-i sabasına qadar ilhaq etilgen Qırımda keskin respirator virus infektsiyası (KRVİ) diagnozı ile hastalarnıñ ve COVID-19 şübelileriniñ sayısı eki kere arttı. Bunı Felâket tibbiyeti ve acele tibbiy yardım merkeziniñ matbuat hızmeti bildirdi.
Derc etilgen malümatqa köre, bir künde koronavirus şübelilerniñ sayısı 9-dan 19-ğace arttı, keskin respirator virus infektsiyası hastalarınıñ - 21-den 39-ğace çoqlaştı. Bundan ğayrı mayıs 21-inde prevmoniya diagnozı ile hastahanelerge 18 adam qoyuldı.
Daa evel bildirilgeni kibi Qırımda tünevin 15 yañı koronavirus adisesi qayd etildi. Hastalarnıñ arasında ekimler ve balalar bar.
Böylece, Qırımda 314 koronavirus hastası qayd etildi. 25-i çetelden, 31-i qomşu Rusiye regionlarından keldi, 9 adam vefat etti. Aqyarda - 147 COVID-19 adisesi qayd etildi, eki adam öldi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
